Մայիսի 12-ին եւ 13-ին, «սահմաններու ճշգրտման» պատրուակով ատրպէյջանական ԶՈւ կողմէ Հայաստանի Հանրապետութեան Սիւնիքի եւ Գեղարքունիքի մարզերու սահմանային որոշ հատուածներու հանդէպ իրականացուած ոտնձգութիւններէն ետք ստեղծուած իրադրութիւնը, Մայիսի 15-ի առաւօտեան դրութեամբ, դեռեւս չէ հանգուցալուծուած:

Չնայած հանգամանքին, որ հայկական ստորաբաժանումներու ձեռնարկած գործողութիւններու արդիւնքին ատրպէյջանական զինուորականները ստիպուած եղած են հեռանալ որոշ հատուածներէն, անոնց մէկ մասը այս պահին կը շարունակէ գտնուիլ Հայաստանի Հանրապետութեան տարածքին: Այս մասին կը յայտնէ ՀՀ ՊՆ-ն:

Հարկ կը համար ենք նշել, որ բոլոր երեք ուղղութիւններուն, որտեղ ատրպէյջանական զինուժը փորձեր է դիրքային առաջխաղացում ապահովել, թէ՛ ամբողջ տարածքը, թէ՛ իրենք՝ զինուորականները,  թէ՛ անոնց ապահովման ուղիները կը գտնուին հայկական զինուած ուժերու լիարժէք վերահսկողութեան տակ։

Կակնկալուի, որ խնդիրի խաղաղ հանգուցալուծման նպատակով դեռեւս Մայիսի 12-էն սկսուած բանակցութիւնները կը շարունակուին այսօր: