Մեծ Պրիտանիայի խորհրդարանի 53 պատգամաւոր այդ երկրի արտգործնախարար Տոմինիկ Ռաաբին նամակ  ուղարկած են՝ անհանգստութիւն յայտնելով Թուրքիայի մէջ տեղի ունեցող վերջին զարգացումներու վերաբերեալ: 

Պատգամաւորները նշած են, որ իրենց խորապէս կը մտահոգէ Թուրքիայի մէջ մարդու իրաւունքներու խախտումները, քաղաքական գործիչներու ու լրագրողներու ձերբակալութիւնները, Քոպանիի դատական գործի հետ կապուած ապօրինութիւնները եւ Ստամպուլի կոնվենցիայէն պաշտօնապէս դուրս գալու որոշումը: Անոնք նաեւ յայտնած են, որ Թուրքիայի կառավարութեան ճնշող քաղաքականութեան, պատգամաւորներու ձերբակալութիւններու, կրոնի եւ միտքի ազատութեան իրաւունքներու ոտնահարման արդիւնքին լուրջօրէն վտանգուեր է ժողովրդավարութիւնը: 

Պահանջուեր է Թուրքիայի հարցով նիստ հրաւիրել խորհրդարան: Բացի այդ, Անգլիացի պատգամաւորներէն կազմուած  պատուիրակութիւն մը կը մեկնի Թուրքիա՝ մասնաւորապէս, այդ երկրի արեւելեան շրջաններու (բռնազաւթուած Արեւմտեան Հայաստանի) բանտերուն մէջ ստուգումներ կատարելու համար: