Շախ գիւղը Արեւմտեան Հայաստանի ամենաբերրի գիւղերէն էր: Այն կը գտնուի Շըրնաք նահանգի Ջիզրէ գաւառին մէջ։ Հիմայ բոլոր բնակիչները սփռուեր են տարբեր տեղեր: Նախկին ժամանակ կը հնչէին եկեղեցւոյ զանգերը: Այժմ եկեղեցին լուռ է: Գիւղը դատարկ է: Մարդկանց թոյլ չեն տար նոյնիսկ այգիներուն մէջ աշխատելու: Քանի որ Թուրքիայի խորհրդարանը ընդունեց Միգրացիոն յանձնաժողովի 1998 թուականի զեկոյցը, համաձայն որու՝ 1990-ականներուն թուրքական պետութիւնը տարհանել, այրել կամ աւիրել է գրեթէ 4 հազար գիւղեր եւ գիւղական բնակավայրեր:

Եօթ ամրոց ունեցող այս գիւղի պատմութիւնը  կը հասնի մինչեւ Ասորական կայսրութեան ժամանակաշրջան: Գիւղի ամբողջ տարածքին կը գտնուին պատմական ամրոցներ, քանդակազարդ ջրամբարներ եւ քարանձաւներ, ժայռափոր արձաններ, հնամենի քարէ աստիճաններ,  որոնք ակնյայտ վկաներն են  հազարաւոր տարիներու եւ Արեւմտեան Հայաստանի մէջ  բնիկ հայերու ներկայութեան:

Ամրոցներէն մէկի մէջ առկայ է 365 սենեակ, իսկ ամրոցի ներսի ժայռափոր քարայրները կը վկայեն անոնց՝ պատերազմներէն պաշտպանելու նշանակութիւնը:

Գիւղին մէջ կայ երկու աղբիւր` մէկը սառը ջուր է իսկ միւսը՝ տաք:

Երբ 1994-ին Շախ գիւղը տարհանուեց, ընտանիքներու 80 տոկոսը հաստատուեցան Ջիզրէ քաղաքի կենտրոնին: Մնացածը մեկենցին տարբեր երկիրներ: