Ռուսաստանի Դաշնութիւնն առաջարկեր է աջակցիլ հայ-ատրպէյջանական սահմանի սահմանազատման եւ սահմանագծման մեկնարկին: Ինչպէս կը տեղեկացնէ «Արմենփրես»-ը, Մայիսի 19-ին Տուշանպէի մէջ մամուլի ասուլիսի ժամանակ այս մասին ըսաւ Ռուսաստանի Դաշնութեան արտաքին գործերու նախարար Սերգեյ Լավրովը։

ՌԴ ԱԳ նախարարը տեղեկացուց, որ Մայիսի 18-ին ոչ պաշտօնական ռեժիմով սկսած են ՀԱՊԿ արտգործնախարարներու աշխատանքը։ 

«Կողմերու հետ նախնական պայմանաւորուածութեան համաձայն, Ռուսաստանի Դաշնութիւնն առաջարկեր է աջակցիլ սահմանազատման եւ սահմանագծման մեկնարկին, ինչպէս նաեւ այդ նպատակով հանդիսանալ հայ-ատրպէյջանական յանձնաժողով ստեղծելու նախաձեռնութեամբ, որուն Ռուսաստանը կարող է մասնակցիլ որպէս խորհրդատու, նաեւ՝ միջնորդ»,- ըսաւ Լավրովը։

Ատրպէյջանի զինուած ուժերու զինծառայողներու որոշ խումբեր 2021-ի Մայիսի 12-ին հատեր են Հայաստանի պետական սահմանը եւ Սիւնիքի Սեւ լիճը պարփակելուն ուղղուած գործողութիւններ կատարել: Հայաստանի զինուած ուժերը մարտավարական բնոյթի հակագործողութիւններ իրականացուցեր են: Հարակից որոշ տարածքներուն մէջ դիրքաւորուած ատրպէյջանցիները հայկական զինուժի մարտավարական հակագործողութիւններու արդիւնքին հեռացեր են զբաղեցուցած բնագիծերէն: Միաժամանակ, ատրպէյջանական զինուժի զինծառայողներու խումբերը կը շարունակեն գտնուիլ ՀՀ պետական սահմաններէն ներս՝ Սիւնիքի եւ Գեղարքունիքի մարզերու որոշ հատոևւածներուն մէջ: Իրադրութեան հանգուցալուծման համար  բանակցութիւններ կընթանան: