«10 միլիոն ծառ» բնապահպանական նախաձեռնութեան շրջանակին Անտառային կոմիտէի մասնաճիւղերուն մէջ տնկուեր է 156 հազար 600 ծառ:

«Արմենփրես»-ի հարցմանն ի պատասխան այս մասին յայտնած է ՀՀ շրջակայ միջավայրի նախարարութեան Անտառային կոմիտէի նախագահի պաշտօնակատար Արթուր Պետրոսեանը:

«10 միլիոն ծառ» բնապահպանական նախաձեռնութիւնը մեկնարկած է 2020 թուականին, սակայն հաշուի առնելով համավարակը, ինչպէս նաեւ Սեպտեմբերին սկսած պատերազմը, որոշում կայացած էր տեղափոխել ժամկէտը 2021 թուականի վերջ: Այս տարի Ապրիլ ամիսը իրականացաւ ծառատունկ եւ տնկեցին 156 600 հատ ծառ, որմէ 10 հազարը Լիտուայի կառավարութեան կողմէ տրամադրուած կեչիներն են: Անոնք տնկուեր են «Հայանտառ» ՊՈԱԿ-ի «Վանաձորի անտառտնտեսութիւն» մասնաճիւղի տարածքին մէջ»,- նշած է Պետրոսեանը:

«Հայանտառ» ՊՈԱԿ-ի կողմէ ՀՀ մարզպետարաններուն եւ Երեւան քաղաքին տրամադրուած է 161 հազար 480 հատ տնկանիւթ՝ համայնքային տարածքներուն, պուրակներուն ու զբոսայգիներուն մէջ ծառատունկ կատարելու նպատակով:

2021 թուականի աշնանը նախատեսուած է օգտագործել շուրջ 200 հազար հատ տնկանիւթ: