Հայաստանի ազգային պատկերասրահը վերականգնել եւ արուեստասերներու լայն շրջանակին կը ներկայացնէ 20-րդ դարի ականաւոր նկարիչներ Գեւորգ Բաշինջաղեանի, Մարտիրոս Սարեանի եւ Յակոբ Կոջոյեանի կտաւները:

«Արմենփրես»-ի հաղորդմամբ՝ ցուցահանդէսի բացման հանդիսաւոր արարողութիւնը տեղի ունեցաւ պատկերասրահի ցուցասրահներէն մէկի մէջ:

«Ցուցահանդէսն անմիջական կապ ունի Թանգարաններու միջազգային օրուայ այս տարուայ խորագիի հետ, որն է՝ «Թանգարաններու ապագան. վերափոխել եւ վերաիմաստաւորել»: Որոշեցինք անդրադառնալ վերականգնմանն ու պատկերասրահի պատմութեան մէջ առաջին անգամ բանալ վերականգնուած ցուցանմուշներու ցուցադրութիւն»,-նշեց պատկերասրահի տնօրէն Մարինա Յակոբեանը:

Յակոբեանի խօսքով՝ ցուցադրութիւնը չի ներառեր միայն վերականգնուած կտաւներ, այլեւ կը ներկայացնէ վերականգնման բարդագոյն գործընթացը, որն իրականացուեր է մինչեւ վերջնարդիւնքին հասնիլը:

Բաշինջաղեանի, Սարեանի եւ Կոջոյեանի կտաւները վերականգներ են վեց ամսուայ ընթացքին: Կտաւները ծայրահեղ ծանր վիճակի մէջ եղած են: Լուրջ աշխատանք կատարուած է , որու շնորհիւ կտաւները կը զարդարեն պատկերասրահի սրահները: