Աֆրինի ազատագրման ուժերը յայտարարած են Աֆրինի տարածքին մէջ 11 թուրքամետ գրոհայիններու եւ 3 թուրք զինուորներու ոչնչացնելու մասին:

Այսօր Աֆրինի ազատագրման ուժերու կողմէ տարածուած յայտարարութեան մէջ կըսուի.

«Մայիսի 19-ին մեր զինուած ուժերը լայնածաւալ գրոհային գործողութիւն իրականացուցեր են գրաւեալ Աֆրինի Բասուֆանա գիւղի մատոյցներուն մէջ՝ թուրքական օկուպացիոն ուժերու դէմ:

Գործողութիւնը սկսած է ժամը 01:00-ին, որու արդիւնքին ոչնչացեր են չորս թուրք վարձկաններ, իսկ երկուքը դիմած են փախուստի: Յաջորդ ժամերու ընթացքին ոչնչացեր են եւս 7 վարձկաններ, եւ  վարձկաններուն օգնութեան եկած թուրքական բանակի 3 զինուորական, որոնք ժամանած էին Աֆրինի ազատագրման ուժերուն հակահարուած տալու համար»։