«Հայ միասնութեան խաչ» բարեգործական մշակութային հասարակական կազմակերպութիւնն Էջմիածնի մէջ «հիմներ է» Մաչանենց մշակութային բերդաքաղաքը։

ԿԳՄՍՆ-էն NEWS.am-ին կը յայտնեն, որ Մայիսի 21-ին «Մաչանենց տուն» կենտրոնին մէջ տեղի  ունեցեր է բերդաքաղաքի հռչակման հանդիսաւոր արարողութիւնը, որուն ներկայ եղած են ՀՀ կրթութեան, գիտութեան, մշակոյթի եւ սպորտի նախարարի պաշտօնակատար Վահրամ Տումանեանը եւ նախարարի տեղակալ Արա Խզմալեանը։

ԿԳՄՍ նախարարի պաշտօնակատարը ողջունած է իւրօրինակ մշակութային օրրան ստեղծելու գաղափարը եւ միջոցառման շրջանակին «Հայ միասնութեան խաչ» կազմակերպութեան հիմնադիր Գրիգոր Մաչանենց Բաբախանեանին պարգեւատրած է ՀՀ ԿԳՄՍ նախարարութեան ոսկէ մետալով՝  հայ մշակոյթի զարգացման եւ հանրայնացման գործին մէջ ունեցած աւանդի, նորարարական-ստեղծագործական մոտեցումներու համար։