Հայաստանի Հանրապետութեան արտաքին գործերու նախարարի պաշտօնակատար Արա Այուազեանը հեռախօսազրոյց ունեցեր է Ավստրիայի արտաքին գործերու նախարար Ալեքսանտր Շալենպերգի հետ:

Այս մասին յայտնած են ՀՀ ԱԳՆ լրատուութեան եւ հանրային դիւանագիտութեան վարչութիւնէն: 

Հեռախօսազրոյցի առանցքային նիւթը Հայաստանի ինքնիշխան տարածք ատրպէյջանական զինուած ուժերու ներթափանցման հետեւանքով ստեղծուած իրավիճակն  եղած է։ ՀՀ ԱԳ նախարարի պաշտօնակատարը մանրամասն ներկայացուցեր է տեղւոյն վերջին զարգացումները՝ վերահաստատելով Հայաստանի սկզբունքային դիրքորոշումը, որ Ատրպէյջանի զինուած ուժերը պէտք է անհապաղ եւ անվերապահ դուրս բերուին ՀՀ ինքնիշխան տարածքէն:

Երկուստեք ընդգծուեր է տարածաշրջանային կայունութեան եւ անվտանգութեան պահպանման  անհրաժեշտութիւնը: Այս առնչութեամբ կարեւորուեր է նաեւ Արցախեան հակամարտութեան համապարփակ կարգաւորման եւ պատերազմի հետեւանքով առաջացած եւ հրատապ լուծում պահանջող հումանիտար հարցերու հասցէագրման անհրաժեշտութիւնը:

Միտքեր փոխանակեր են նաւ երկկողմ օրակարգի շարք մը հարցերու շուրջ, ընդգծուեր է փոխադարձ յանձնառութիւնը՝ ակտիվացնելու քաղաքական երկխօսութիւնը, այդ թիւին՝ տարբեր մակարդակներու շփումներու միջոցով: