Թուրքիայի եւ ԱՄՆ-ի միջեւ համատեղ զօրավարժութիւններն ու հետախուզական տուեալներու փոխանակումն աստիճանաբար դադարեցուած է 2016 թուականէն, կը հաղորդէ Middle East Eye-ը՝ հղում կատարելլով թուրք աղբիւրներուն:

Այս մասին յայտնած է News.am-ը:

Այդ քայլը, ակնյայտ է, եղած է գործընթացի մաս, որը նախաձեռներ է Թուրքիայի ներքին գործերու նախարար Սուլեյման Սոյլուն:Ըստ լրատուականի՝ նախարարը դադարեցուցած է շարք մը համատեղ ծրագիրներ եւ համագործակցութիւնը Անկարայի եւ Ուաշինգտոնի միջեւ տարաձայնութիւններու պատճառով: ԱՄՆ-ի եւ Թուրքիայի միջեւ մի քանի տարի առաջ յարաբերութիւններու սրման մասին յայտնի է վաղուց, սակայն Սոյլուի գործողութիւնները, ըստ էութեան, նոյնպէս ունեցեր են անձնական բնոյթ: Անցած շաբաթ Սոյլուն բացայայտ յայտնած էր իր կասկածները՝ յայտարարելով, որ 2016 թուականի պետական հեղաշրջման փորձը տեղի ունեցեր է ԱՄՆ-ի հրամանով։ Հեռուստատեսութեամբ ելոյթ ունեցած ժամանակ ան նաեւ մեղադրած է հեղաշրջման փորձին ներգրաւուածութեան մէջ Արաբական Միացեալ Էմիրութիւններուն: