44-օրեայ պատերազմի հետեւանքով Ատրպէյջանի վերահսկողութեան տակ անցած Արցախի մշակութային յուշարձաններու մշտադիտարկման նպատակով արուեստաբան Աննա Լեյլոյեան-Եկմալեանը եւ պատմաբան, հնագետ, մշակութաբան Համլետ Պետրոսեանն իրենց շուրջ համախմբած են խումբ մը բարձրակարգ մասնագետներու եւ ստեղծեր են monumentwatch.org կայքը:

Այն ակադեմիական հարթակ է, որտեղ գիտական յոդուածներու,  քարտեզներու, լուսանկարներու եւ այլ նիւթերու միջոցով հնարաւոր է ծանօթանալ հայկական յուշարձաններու պատմութեանը, անձնագրային տուեալներուն եւ այլ կարեւոր հրապարակումներու:

«15 գիտնական կը  ստեղծէ տուեալներու հաւաքածու, որը կարող է օգտագործել ցանկացած անձ: Մասնագետները ցուցակագրած են այն յուշարձանները, որոնք Արցախեան 44-օրեայ պատերազմէն ետք անցեր են Ատրպէյջանի վերահսկողութեան տակ: Արցախի տարածքին 4000-է աւելի յուշարձան կայ, իսկ 1700-է աւելի յուշարձան այսօր ուղղակիօրէն վտանգուած է: Մենք այլեւս ժամանակ չունինք սպասելու»,- ահազանգած է Լեյլոյեան-Եկմալեանը: Իր կարծիքով՝ կայքը հսկայական գործի առաջին քարն է, որու վրայ պետք է կառուցուի ամբողջ աշխատանքը։