Արեւմտեան Հայաստանի Պաղեշ նահանգի Ահլաթ եւ Ատիլջեվազ գաւառներուն մէջ եւ Մուշի Վարթոյի մէջ գտնուող լիճերը, որոնք ամեն տարի կը հիւրընկալեն տեղաբնակ եւ արտասահմանցի բազմաթիւ այցելուներու, պատրաստ են եւս հիւրընկալելու իրենց այցելուներուն՝ Covid 19-ի պատճառով կիրառուած սահմանափակումներու վերացումէն ետք:

Իր պատմական կառոյցներով բացօթեայ թանգարան յիշեցնող Ահլաթի մէջ գտնուող Նազիկ լիճը, Սիփան լեռին փեշերուն գտնուող Այգըր, Արին եւ Ջիլ լիճերը,  Վարթօ գաւառին մէջ գտնուող Համուրպետ լիճը մարդկանց կը գրաւէ իրենց իւրայատուկ բնութեամբ, մաքուր օդով եւ գեղեցկութիւններով: 

Տարբեր չափերու եւ խորութեան տեկտոնական եւ հրաբուխային այս լիճերը, որոնք յայտարարուած են որպէս «յատուկ պահպանուող տարածք», գարնանը կը ստանան իւրայատուկ գեղեցիկ տէսք՝ մուգ կապոյտ ջուրերով, շուրջը ծաղկած գունագեղ ծաղիկներով:

Մեր հայրենիքի՝ Արեւմտեան Հայաստանի գեղատեսիլ վայրերը հաշուելով չի աւարտուիր: Սիրելի հայրենակիցներ, հիմայ՝ յատկապէս ամառային սեզոնին, ճիշտ ժամանակն է այցելելու մեր երկրի գեղեցիկ վայրերը, եթէ ունիք ժամանակ եւ հնարաւորութիւն, խորհուրդ կուտանք անպայման տեսնել այս լիճերը: