ՀՀ եւ ՉԺՀ արտաքին գործերու նախարարութիւններու միջեւ Մայիսի 26-ին տեղի ունեցած են քաղաքական խորհրդակցութիւններ։ Հայկական կողմէ խորհրդակցութիւնները վարած է ԱԳ նախարարի տեղակալ Աւետ Ատոնցը, չինական կողմէ՝ ՉԺՀ ԱԳ նախարարի տեղակալ Լը Յուչընը։ 

Ինչպէս «Արմենփրէս»-ին տեղեկացուցին ՀՀ արտաքին գործերու նախարարութեան լրատուութեան եւ հանրային դիւանագիտութեան վարչութիւնէն, խորհրդակցութիւններու ընթացքին կողմերը քննարկած են միջազգային, տարածաշրջանային եւ երկկողմ օրակարգի հարցերու լայն շրջանակ։ ՀՀ ԱԳ նախարարի տեղակալը հանգամանալից կերպով ներկայացուցած է Հայաստանի ինքնիշխան տարածք ատրպէյջանական զինուած ուժերու ներթափանցման հետեւանքով ստեղծուած իրավիճակը։ 

Ըստ աղբիւրի՝ ՉԺՀ ԱԳ նախարարի տեղակալ Լը Յուչընը նշած է, որ Չինաստանը կաջակցի ՀՀ տարածքային ամբողջականութեանն ու ինքնիշխանութեանը՝ ընդգծելով, որ Նոյեմբերի 9-ի եռակողմ յայտարարութեան դրոյթներու լիակատար իրականացումը տարածաշրջանային անվտանգութեան եւ կայունութեան պահպանման գրաւականն է։