ԱՀ աշխատանքի, սոցիալական եւ միգրացիայի հարցերու նախարարութեան կողմէ իրականացուող՝ Արցախի տարբեր համայնքներուն մէջ վերաբնակեցուող բնակչութեանը տրուող կահաւորուած եւ անհրաժեշտ կենցաղային տեխնիկայով ապահոված կացարաններ տրամադրելու ծրագիրն ընթացքի մէջ է։

Այս մասին «Արցախփրես»-ին յայտնած են ԱՀ աշխատանքի, սոցիալական եւ միգրացիայի հարցերու նախարարութիւնէն՝ տեղեկացնելով, որ այս անգամ երեք տուն Տաշուշեն գիւղին մէջ, մէկն ալ՝ Քռասնիի մէջ՝ կահոյքով եւ անհրաժեշտ կենցաղային տեխնիկայով ապահով, յանձնուեցան Հադրութի, Քաշաթաղի ու Աւետարանոցի մէջ տունուտեղ լքած մեր հայրենակիցներուն:

Լուսաձոր համայնքին մէջ տասնհինգ տունի համար նման աշխատանքներն կընթանան, յաջորդը Մարտունի շրջանի Աշան համայնքն է, որտեղ յառաջիկայ ժամանակ հինգ բնակելի տունի համար կը տրամադրուին կահոյք եւ կենցաղային իրեր:

Ծրագիրն, ըստ ներկայացուող յայտերու, կը շարունակէ գործել Արցախի տարբեր համայնքներուն մէջ ապրելու ցանկութիւն յայտնած այն արցախցիներու համար, որոնց բնակավայրերը մնացեր են թշնամիի վերահսկողութեան տակ: