Գեւորգ Չաւուշը (իսկական ազգանունը՝ Ղազարեան) Ծնած է 1870 թուականին Արեւմտեան Հայաստանի  Սասունի Փսանաց գաւառի Մկթենք գիւղին մէջ։ 1886–88 թթ-ին հաճախած է Մշոյ Սբ․Կարապետ վանքի դպրոցը, որը  ուսուցիչ Հովհաննէս վարդապետ Մուրատեանի ջանքերով վերածուած էր ազատագրական գաղափարներ տարածելու կենտրոնի: Մարտական մկրտութիւնն ստացեր է առաջին ֆիտայիներէն մէկի՝ Արապոյի խումբին մէջ: Մասնակցեր է Սասունի 1891– 1894 թթ-ի ինքնապաշտպանական մարտերուն, յատկապէս նկատած են Տալվորիկի 1893 թ-ի կռիւներու ժամանակ: 1894 թ-ի Սասունի ապստամբութեան պարտութիւնէն ետք, ի թիւս այլ ֆիտայիներու, ձերբակալուած ու բանտարկուած  է Պիթլիսի, ապա՝ Մուշի մէջ: 

1896 թ-ին Գեւորգը փախած է բանտէն ու ապաստանած է Սասունի մէջ, ապա միացեր է Գուրգենի (Պաղտասար Մալեան) եւ Հրայրի (Արմենակ Ղազարեան) խումբերուն: 1899 թ-ին` Աղբիւր Սերոբի սպանութիւնէն ետք, 1900 թ-ին կազմակերպած է մատնիչ Աւէի, ապա Անդրանիկի հետ՝ քիւրտ Խալիլ պեյի սպանութիւնները: 1901 թ-ի Ապրիլին գլխաւորած է Պերդակի, իսկ Դեկտեմբերին՝ Նորշենի կռիւները, որոնք կարեւոր տեղ ունին հայդուկային շարժման պատմութեան մէջ: 1901 թ-ի Նոյեմբերին մասնակցեր է նաեւ Մշոյ Սբ․Առաքելոց վանքի կռիւին: 

1904 թ-ի գարնան Գեւորգ Չաւուշը գլխաւորեր է Սասունի Իշխանաձոր եւ Տալվորիկ գիւղերու ինքնապաշտպանական ուժերը: Ապրիլի 11-ին՝ Շենիկ գիւղի մոտ, 14-ին եւ 15-ին՝ Մերկերու շրջակայքին, 17-ին Գելի եգուզանի մոտ հայերը համառ մարտեր  մղեր են: Ապրիլի 19-ին թուրքերն սկսեր են գնդակոծել հայկական դիրքերը: Մի քանի օր դիմադրելէ ետք հայերն ստիպուած լքած են Գելի եգուզանը եւ քաշուած են մոտակայ բարձունքները՝ շարունակելով դիմադրութիւնը մինչեւ Մայիսի 14-ը: 

Սասունի դէպքերու արձագանքները հասեր են Եւրոպա: Եւրոպական տերութիւններու միջամտութիւնէն խուսափելու համար թուրքական իշխանութիւնները ստիպուած հրաժարուեր են Սասունի հայերուն բնաջնջելու մտադրութիւնէն: 

Ապստամբութեան պարտութիւնէն ետք Գեւորգն անցեր է Վան, սակայն 1904 թ-ի Օգոստոսին Աղթամար կղզիի մէջ տեղի ունեցած խորհրդակցութիւնէն ետք, որպէս ՀՀԴ կուսակցութեան ղեկավար գործիչ, վերադարձեր է Տարօն: 1906–07 թթ-ին գործեր է Ռուբեն Տեր-Մինասեանի հետ: Հայ-քիւրտական համագործակցութիւն ստեղծելու անոր ջանքերն ապարդիւն անցան: Զոհուեր է Մայիսի 27-ին՝ Սուլուխի յայտնի կռիւի ժամանակ: