ԵԱՀԿ-ն մտահոգուած է Հայաստանի եւ Ատրպէյջանի սահմանին միջադէպերու մասին հաղորդումներով, յայտարարած է կազմակերպութեան գործող նախագահ, Շուետիայի արտգործնախարար Անն Լինտեն։

«Բոլոր լուծման կարօտ խնդիրները պէտք է հանգուցալուծուին խաղաղ ճանապարհով, բանակցութիւններու միջոցով», – Թուիթերի էջին     գրած է Անն Լինտեն։

«ԵԱՀԿ-ն պատրաստ է օժանդակել եւ կիրառել վստահութեան ամրապնդմանն ուղղուած միջոցառումներ՝ ստեղծելու համար երկխօսութեանը նպաստող մթնոլորտ», – կ՛ըսուի հաղորդագրութեան մէջ։

Յիշեցնենք, որ ատրպէյջանական զօրքը կէս ամիս է՝ Հայաստանի տարածքի մէջ է։ Ներխուժեր է մի քանի ուղղութիւններով,  խորացած է եւ չի հեռանար։ Աւելին` պարբերաբար միջադէպեր տեղի կունենան, օրեր առաջ կրակոցներ արձակեր են, որու հետեանքով զոհուած է հայ զինծառայող։ Երեկ առաւօտ Պաշտպանութեան նախարարութիւնն հաղորդեց, որ Գեղարքունիքի սահմանային հատուածին մէջ ատրպէյջանցիները ՀՀ ԶՈՒ 6 զինծառայողի գերեվարած են։