Ատրպէյջանն ու Թուրքիան ընդգրկուեր են մտահոգիչ այն երկիրներու յատուկ ցուցակին, որոնք կը ոտնահարեն կրօնի ազատութիւնն ու կը պղծեն մշակութային ժառանգութիւնը:

 1lurer.am-ի փոխանցմամբ, Mirror Spectator պարբերականն անդրադարձեր է ԱՄՆ Միջազգային կրօնական ազատութեան հարցերով յանձնաժողովի՝ 2021-ի ամենամեայ զեկոյցին, որուն համաձայն՝ մասնաւորապէս հայերու հետ կապուած կրօնական ազատութեան ոտնահարման պատճառով, այս երկու երկիրներու գործողութիւնները յատուկ մշտադիտարկման կենթարկուին:

Զեկոյցին հաշուի առնուած է Արցախի մէջ տեղի ունեցած պատերազմը, որու ժամանակ եւ ետք Ատրպէջանի՝ կրօնական ազատութեան ոտնահարման եւ հայկական պաշտամունքի եւ կրօնական այլ վայրերու պահպանման հետ կապուած գործողութիւնները լուրջ մտահոգութիւններ առաջացուցած են: Խօսքը, մասնաւորապէս, Շուշիի Սուրբ Ղազանչեցոց եկեղեցիի՝ ատրպէյջանական կողմի թիրախաւորումն ու երկու անգամ հրթիռակոծումն է, որը հաւանաբար կը որակուի որպէս պատերազմական հանցագործութիւն:

Բացի այդ՝ փաստեր կան նաեւ Ատրպէյջանի կողմէ հայկական գերեզմանոցներու եւ գերեզմանաքարերու պղծման ու աւիրման վերաբերեալ: