2021թ. առաջին 4 ամսուայ համար Թուրքիայի մէջ մամուլի եւ խօսքի ազատութեան ոտնահարումներու վերաբերեալ զեկոյց հրապարակուած է:

Զեկոյցի համաձայն՝ 4 ամսուայ ընթացքին Թուրքիայի մէջ 14 լրագրողի նկատմամբ հետաքննութիւն սկսած է, 213 լրագրող դատարանի առաջ կանգնած է եւ 20 լրագրող դատապարտուեր է 57 տարի 10 ամիս ազատազրկման:

Նշուած է, որ Թուրքիայի մէջ մամուլի եւ խօսքի ազատութեան վիճակը վատթարացեր է մասնաւորապէս 2016թ. հուլիսի 15-ի հեղաշրջման փորձէն   Ետք եւ կը շարունակուի մինչեւ  այսօր:

Զեկոյցի մէջ անդրադարձ կատարուեր է նաեւ ՄԻԵԴ-ի վիճակագրական եւ«Լրագրողներ առանց սահմաններու» (RSF) հրապարակած տուեալներուն:

Ըստ ՄԻԵԴ-ի տուեալներու՝ Թուրքիան 2020թ. Մարդու իրավունքներու եւրոպական կոնվենցիայի 10-րդ յոդուածն ամենէ շատ խախտած երկիրն է: Բացի այդ, RSF-ի միջազգային իրաւապաշտպան կազմակերպութեան 2021թ. զեկոյցի տուեալներով՝ Թուրքիան 180 երկիրներու շարքին մամուլի ազատութեան ցուցանիշով կը զբաղեցն է 153-րդ տեղը։

Հաղորդուած է նաեւ, որ եթէ տարեսկզբին բանտարկուած լրագրողներոպ թիւը 87 էր, ապա հաշուետու ժամանակահատոպածին այդ թիւը նուազեր է եւ հասեր է 68-ի: Զեկոյցի տուեալներով, այս ցուցանիշը վերջին 5 տարիներուն ամենացածն է: