Ստեփանակերտի Տիգրան Մեծի փողոցի հարակից տարածքին մէջ մեկնարկեր են 3 բազմաբնակարան շէնքերով նախատեսուող նոր թաղամասի շինաշխատանքները:

Այս մասին «Արցախփրես»-ին տեղեկացուցին Արցախի Հանրապետութեան քաղաքաշինութեան նախարարութիւնէն:

«Կառուցուող նոր թաղամասի 3 շէնքերէն  2-ը կ՛ըլլան 12, իսկ 1-ը՝ 9 հարկանի։

Կառուցուող թաղամասի  շէնքերու մէջ ընդհանուր առմամբ նախատեսուած են՝ 2 սենեականոց` 47 բնակարան, 3 սենեականոց` 138 եւ 4 սենեականոց ՝ 33 բնակարաններ: Ընդհանուր բնակելի մակերեսը կը կազմէ 1807,2  քառակուսի մետր։ Մասնաշէնքերու մէջ նախատեսուած են նաեւ  հասարակական նշանակութեան տարածքներ։ Կը կառուցուին միջհրապարակային ճանապարհ, ավտոկայանատեղի, կանաչապատ գոտիներ, կը բարեկարգուի մերձակայ տարածքը»,- յայտնած են նախարարութիւնէն։  Ներկայ դրութեամբ աւարտած է նոր թաղամասի կառուցման հողային աշխատանքները, շուտով կը մեկնարկեն հիմքային շինաշխատանքները։

Նոր թաղամասը կը կառուցուի «Հայաստան» համահայկական հիմնադրամի ֆինանսաւորմամբ։

Բազմաբնակարան շէնքերը նախատեսուած է շահագործման յանձնել 2023 թուականին։