https://www.civilnet.am/wp-content/uploads/2021/06/T.-TORANIAN-1-822x462.jpg

ԱՐԵՒՄՏԵԱՆ ՀԱՅԱՍՏԱՆ- Երեւանի մէջ, 93 տարեկան հասակին իր մահկանացուն  կնքեց հալէպահայ գրող, հրապարակախօս, արձակագիր, հասարակական գործիչ, բժիշկ Թորոս Թորանեանը:

Թորոս Թորանեանը ծնած է 1928 թուականին Սիրիայի Հալէպ քաղաքին մէջ։ Անոր ծնողները՝ Խաչերը եւ Վարդուհին, ծնած են Կիլիկեան Հայաստանի Այնթապ քաղաքի Ճիպին գիւղին մէջ։ 

Թորանեանը բազմաժանր ստեղծագործող է: Անոր գրիչին կը պատկանին « Աստղերու ճամբան» (1960), «Կանաչ տառեր» (1965), «Անտալուզեան Երգեր» (1979), «Կարօտի ճամբաներով» (1990), «Մեծ հօրս պատմած հեքիաթները» (1992), «Թող Հայաստանը խօսի»  (1998), «Կեանքի կեռմաններով» (1999), եւ այլ նշանաւոր երկեր:

Ան գրած է նաեւ «Վավա եւ Սարգիս Խաչատրեան» (1983), «Ժամանակի վկան եւ ապագայի դեսպանը» (1990), «Անդրանիկ Ծառուկեան արձակագիրն ու բանաստեղծը» (2000), « Ամբողջական գրագէտը. Ռոպէր Հատտէճեան» (2002), «Զրոյցներ Կարպիս Սուրէնեանի հետ» (2003), «Սիմոն Սիմոնեան երեւոյթը» (2004) ստեղծագործութիւնները:

2012 թուականին արժանացեր է «Մովսէս Խորենացիի մետալ» մրցանակին:

Արեւմտեան Հայաստանի նախագահը, կառավարութիւնն ու խորհրդարանը խորապէս կը ցաւակցին հանգուցեալի ընտանիքին եւ հարազատներուն։