1921 թուականին Երեւանի Աստաֆեան (ներկայի Աբովեան) փողոցին մէջ գտնուող Արական գիմնազիայի երկհարկանի տուֆակերտ շէնքին մէջ հիմնադրուեցաւ ապագայ Կերպարուեստի թանգարանը, որը 1947-ին վերանուանուեց Հայաստանի պետական պատկերասրահ, իսկ 1991 թուականէն կը կոչուի Ազգային պատկերասրահ: Այն Հայաստանի ամենամեծ թանգարանն է, այսօր կը ներառէ հայկական, ռուսական եւ եւրոպական արուեստի գործերու աւելի քան 40 հազար ցուցանմուշ եւ հայկական կերպարուեստի հաւաքածուով ամենամեծ թանգարանն է աշխարհի: Ազգային պատկերասրահի ներկայի շէնքը նախագծեր է անուանի ճարտարապետ Մարկ Գրիգորեանը:

Այս տարի կը լրանայ Հայաստանի ազգային պատկերասրահի հիմնադրման 100-ամեայ հոբելեանը, որը կը նշանաւորուի  շարք մը միջոցառումներով եւ ծրագիրներու իրականացմամբ: Կը հրատարակուի Ազգային պատկերասրահի տարեգիրքը, որու առաջին հատորը նուիրուած կըլլայ պատկերասրահի առանձին բաժիններու պատմութեանը: 

Ազգային պատկերասրահի տնօրէն Մարինա Յակոբեանի խօսքով՝ հոբելեանական այս տարին իրենց ձեռնարկած բոլոր միջոցառումները հետեւեալ նպատակաուղղուածութիւնն ունին. «Մաքսիմալ հանրայնացնել մեր յուշարձաններու պատմութիւնը, մեր ժառանգութիւնը եւ մեր հարստութիւնը, ներկայացնել թանգարանի ողջ հարստութիւնը»: