Արեւմտեան Հայաստանի Վանի նահանգապետի եւ փոխքաղաքապետի յայտարարութեան համաձայն՝ տարիներ շարունակ հոսող կեղտաջուրերը զգալի տիղմ գոյացուցեր են Վանա լիճի ափին, որմէ ազատուելու նպատակով շրջակայ միջավայրի եւ քաղաքաշինութեան նախարարի աջակցութեամբ սկսած են լիճի հատակը  մաքրելու գործընթացը:

Վանա լիճը, որն աշխարհի ամենամեծ սոտայով հարուստ լիճն է եւ աշխարհին յայտնի դարձած է նաեւ NASA- ի լուսանկարչական մրցոյթով, կը հրապուրէ բոլոր անոնց, ովքեր առիթ ունին տեսնելու անոր փիրուզագոյն ջուրերը, լողափներն ու լիճին հարակից զբոսավայրերը: Առկայ մաքրման կայանի անբավարար աշխատանքի պատճառով լուրջօրէն աղտոտուած Վանա լիճը սկսած է առաջին պլան մղուիլ ոչ միայն գեղեցկութեամբ, այլեւ իր աղտոտուածութեամբ:

Վանի քաղաքապետարանի ջրմուղ-կոյուղի գլխաւոր վարչութեան կողմէ Վանա լիճը աղտոտումէն փրկելու համար ձեռնարկուած միջոցառումներու շնորհիւ շահագործման  յանձնուեր  է «Կենտրոնական կեղտաջուրերու մաքրման կայանը»:

Մինչ Վանա լիճը կազատուի աղտոտուելու սպառնալիքներէն, հատակի տիղմը, որն առաջացեր էր կեղտաջուրերէն, գարշահոտութիւն կը տարածէ շրջակայ միջավայրը: Նշուած է, որ վերոնշեալ մեխանիզմով տիղմի մաքրմանը զուգընթաց Վանա լիճի լողափերը կազատուին տհաճ հոտէն: