Թուրքիայի մէջ գործող «Baran Tursun» հիմնադրամի կազմած զեկոյցի համաձայն՝ ոստիկանութիւնը 13 տարուայ ընթացքին 404 անմեղ քաղաքացի սպաններ է։ Անոնցմէ 70-ը եղած են կանայք, 92-ը՝ երեխաներ։

Զեկոյցը չի վերաբերուիր երկրի մէջ տեղի ունեցած զինուած բախումներուն, այլ կը նեռարէ խաղաղ պայմաններով ոստիկանութեան կողմէ ոչ համաչափ ուժի կիրառման հետեւանքով քաղաքացիներու սպաննութեան դէպքերը։

Նման ցուցանիշով Թուրքիան ոստիկաններուն «սպաննելու արտոնութիւն տուած» երկիրներու շարքին առաջատարներէն է։ Ուշագրաւ, է որ այդ սպանութիւններու առիթով հարուցուած դատական գործերու հետաքննութեան ժամանակ մեղադրեալ ոստիկանները որպէս կանոն կը պնդեն, որ «պարզապէս իրենց մասնագիտական պարտքն կատարած են»՝ մոռնալով, որ ոստիկանի հրահանգներուն չենթարկուող քաղաքացիի վրայ կրակելը իրենց ոչ թէ առաջին կատարելիքն է, այլ պէտք է կիրառուի միայն ամենածայրահեղ դէպքերուն։

Զեկոյցի ժամանակ բերած են բազմաթիւ օրինակներ, երբ ոստիկաններն անմեղ քաղաքացիին առանց պատճառի սպաննելէ ետք դէպքը «բեմադրած» են իբրեւ ինքնասպանութիւն կամ սպաննուածի կողքին զէնք, թմրանիւթ եւ այլ իրեր դրած են՝ այդպիսով կեղծելով փաստերը եւ կոծկելով սեփական հանցանքը։