Հայ մեծ կոմպոզիտոր Արամ Խաչատրեանի ծննդեան օրը՝ Հունիսի 6-ին, կը մեկնարկէ անոր անունը կրող 17-րդ միջազգային մրցոյթը: «Արմենփրես»-ի հաղորդմամբ՝ այս տարի կանցկացուի դիրիժորութիւն մասնագիտութեամբ, որը  կը կատարուի երկրորդ անգամ:

Հունիսի 6-12-ը կայանալիք երաժշտական միջոցառմանը կը մասնակցին 18-36 տարեկան 20 դիրիժոր՝ աշխարհի տարբեր 15 երկիրներէ:

Մրցոյթի ժիւրին կը գլխաւորէ Հայաստանի ազգային հերոս, ԽՍՀՄ ժողովրդական արտիստ, Հայաստանի պետական ազգային ակադեմիական երգչախումբի գեղարուեստական ղեկավար եւ գլխաւոր դիրիժոր Հովհաննէս Չեքիջեանը: Մաեստրոյ Տիգրան Մանսուրեանը մրցոյթի համար գրած է յատուկ ստեղծագործութիւն։  

Միջազգային երաժշտական այս ստուգատեսի նպատակն է բացայայտել տաղանդաշատ երիտասարդ երաժիշտներուն, ինչպէս նաեւ աշխարհին աւելի հանրայնացնել հայ մեծ կոմպոզիտոր Արամ Խաչատրաենի արուեստը: