Ինչպէս կը փոխանցէ Ermeni haber լրատուական գործակալութիւնը՝Իզմիթի շրջանի մէջ գտնուող 605-ամեայ Արմաշի Չարխափան Սուրբ Աստուածածին հայկական վանքը լքուած ու անմխիթար վիճակի մէջ է:

Աղիուսաշեն վանքի տարածքին մէջ, որտեղ 1889-ականներուն կառուցուեր է դպրատուն, այսօր կիսավեր է եւ ամբողջովին խոտերով ծածկուած:  Բացի այդ տեղի բնակիչները վանքի ողջ տարածքը աղբավայրի վերածուեր են:

Չնայած այս ամենին՝ բնակիչները կը ցանկանան վերականգնել վանական համալիրը եւ այն վերածել զբոսաշրջային կենտրոնի: Անոնք այդ հարցով դիմեր են Քոջաելիի քաղաքապետարան:  Աքմեշէի (Արմաշ) գիւղապետի խօսքով Արմաշի դպրատունը Թուրքիայի ամենահին դպրատուներէն մէկն է:

Աքմեշէի գործարարներէն մէկի մէկենասութեամբ վանքի տարածքին մէջ վերականգնման աշխատանքներ  սկսած էին, բայց ետքը որոշ պատճառներով դադարեցուեր են:

Յիշեցնենք, որ Արմաշի Չարխափան Սուրբ Աստուածածին հայկական վանքը հիմնադրուեր է 1416-ին: Մինչ Արմաշ գիւղի հիմնուիլը բնակավայրը եղած է յոյնաբնակ: 1416-ին յոյները հրդեհած եւ  լքած են այն, եւ այդտեղ հաստատուած են Մարաշէն գաղթած ու հարեւանութեամբ ապաստանած հայերը: Տեղանունը «Մարաշի» տարափոխուած վերաձայնութիւնն է: Արմաշի Չարխափան Սուրբ Աստուածածին վանքը եղած է նաեւ գրչութեան կենտրոն: