Արեւմտեան Հայաստանի Վան նահանգի Տուշպայի քաղաքապետարանը  անապահով կանանց համար կազմակերպեր է «Գորգագործութեան եւ կարպետագործութեան դասընթացքներ», որու շնորհիւ կը շարունակուի  հազարամեայ պատմութիւն ունեցող, խնամքով հիւսուող այս ձեռագործ աշխատանքի աւանդոյթը։ 

Այս մասնագիտութիւնը հայկական ոճով արհեստ է, որ  հասած է մեզի անտիկ ժամանակներէն: Մասնաւորապէս  այս էր հայ կանանց գլխաւոր մասնագիտութիւնը: Հայ կանանց աչքի լոյսի եւ ձեռքի վարպետութեան շնորհիւ  հիւսուած անթիւ գորգերն ու կարպետները զարդարած են շքեղ առանձնատուներ ու նոյնիսկ արքաներու պալատները:

Գորգագործութիւնը հասած է մինչեւ այսօր եւ զարգացած է: Այս աշխատանքի գաղտնիքներն ու նրբութիւնները, որոնք փոխանցուած են սերունդէ սերունդ, դեռ կը պահպանուին, իսկ վարպետներու եւ գործարարներու համար կը հանդիսանան որպէս եկամուտի աղբիւր:

«Գորգագործութեան եւ կարպետագործութեան  դասընթացքները», որոնք որոշ ժամանակ փակուած էին համաճարակի պատճառով,  Հունիսի 1-էն վերաբացուեր են՝ պահպանելով համաճարակային կանոնները:

Leave a Reply