Արեւմտեան Հայաստանի Աղրը նահանգի Տիատին գաւառի Յուքարը Բիլիգան կոչուող ժայռափոր քարանձաւները, որոնք կը գտնուին Թոնդրակիան լեռան  փեշերուն գտնուող գիւղի հարակից ժայռերու մէջ եւ իրենց կառուցուածքի պատճառով կը նմանուին Մեյա անտիկ քաղաքին, կը սպասեն ուսումնասիրութեան եւ լուսաբանութեան։

Տիատին գաւառը, որը Աղրըի կենտրոնէն 55 կիլոմետր հեռաւրութեան վրայ կը գտնուի, տարուայ իւրաքանչիւր եղանակին այցելուներու ուշադրութիւնն կը գրաւէ իր ջերմուկային աղբիւրներով, որոնք մարդկանց շրջանին յայտնի են որպէս բուժիչ ջուրեր, կիլոմետրեր ձգուող կիրճով, պատմական Մեյա անտիկ քաղաքով, որը նախկին ժամանակ հիւրընկալեր է բազմաթիւ քաղաքակրթութիւններու, եւ անոր շուրջը գոյացած հեքիաթային ծխնելոյզներով:

Քարանձաւներու ներսը, որոնք ստեղծուեշր են գիւղի անմիջապէս ետեւի գտնուող Թոնդրակ լեռան հարաւային լանջին՝ ժայռերուն մէջ, կը գտնուին թոնիրներ եւ բնակելի տարածքներ։ Սակայն շրջանին շատ քիչերն  տեղեակ են այս վայրերէն։ Քարանձաւներուն մէջ գտնուող թոնիրն ու  տարատեսակ կենցաղային հետքերը կը փաստեն, որ այստեղ անցեալին մարդիկ ապրած են: