Հունիսին Ճապոնիայի մայրաքաղաքի մէջ աշխատանքները ամփոփեց Տոկիոյի վիսկիի եւ ալկոհոլային խմիչքներու մրցոյթն, որու արդիւնքներով ARARAT Նայիրի 20 տարուայ հին կոնիակը արժանացեր է ոսկէ մետալի եւ «Կատեգորիայի յաղթող» կոչմանը։

Տոկիոյի վիսկիի եւ ալկոհոլային խմիչքներու մրցոյթը, որը կը գործէ Ճապոնիայի համապատասխան հետազոտական կենտրոնի կառավարմամբ, միտուած է համաշխարհային մակարդակով բացայայտելու եւ տարածելու բարձր որակի խմիչքները։ Այս տարի մրցոյթին մասնակցեցան 427 խմիչքներ՝ աշխարհի տարբեր երկիրներէ, որոնց թիւին էին նաեւ համաշխարհային ճանաչում ունեցող տարբեր ապրանքանիշեր։ Այդ իմաստով մրցակցութիւնը ARARAT Նայիրիի համար եւս թէժ էր, սակայն լեգենտար հայկական կոնիակը յաղթահարեց թէ´ մրցոյթի առաջին՝ մասնագետներու անհատական գնահատականի, թէ´ երկրորդ խմբային քննարկումներու փուլերը եւ յայտնուեցաւ «Լաւագոյներէն լաւագոյնը» անվանակարգին, որու արդիւնքին բաշխուեցան մրցոյթի ոսկէ յաղթանակները։  

Նշենք, որ 1967 թուականին ստեղծուած ARARAT Նայիրի կոնիակը արժանացեր է 30-էն աւելի ոսկէ մետալներու աշխարհի ամենահեղինակաւոր մրցոյթներուն, սակայն սա առաջին յաղթանակն է ծագող արեւի երկիրէն։ 

Leave a Reply