ՌԴ արտաքին գործերու նախարար Սերգեյ Լավրովը, ըստ էութեան, հաստատեց Ռուսաստանի դիրքորոշումը: Մոսկուան կաջակցի ԵԱՀԿ Մինսքի խումբի ջանքերուն, որու օրակարգին ընդգրկուած է Արցախի կարգավիճակի ապագայ որոշման հարցը: Ռուսաստանը  կը գործէ Մինսքի խումբի ձեւաչափով:

Այս մասին NEWS.am-ի թղթակիցի հետ զրոյցի ժամանակ ըսած է ռուս քաղաքագէտ, Մերձաւոր Արեւելքի եւ Կովկասի երկիրներու խնդիրներու փորձագէտ Ստանիսլավ Տարասովը: «Պաքուն կը կարծէ, որ հակամարտութիւնն աւարտուած է, եւ որ այժմ անհրաժեշտ է լուծել ոչ թէ կարգավիճակի, այլ Արցախի տարածքին (որը Ատրպէյջանը իրաւաբանօրէն իրենն կը համարէ) ռուս խաղաղապահներու, ժամանակաւոր մնալու հարցը:

Սակայն Պաքուի այս դիրքորոշումը համաշխարհային հանրութեան կողմէ աջակցութիւն չի գտնէր, եւ Ատրպէյջանը համաշխարհային հանրութեանը մարտահրաւեր նետելու ռիսքի կը դիմէ»,- ըսաւ ան: 

Անոր խօսքով, ամեն ինչ կը յուշում է, որ ԱՄՆ-ն, Ֆրանսիան ու Ռուսաստանը, որպէս ԵԱՀԿ Մինսքի խումբի համանախագահ երկիրներ, առաքելութիւն կը պատրաստեն տարածաշրջան: 

Յիշեցնենք, որ Ռուսաստանի արտգործնախարար Սերգեյ Լավրովն ըսած էր, թէ Արցախի կարգավիճակի հարցը պէտք է համաձայնեցնել ԵԱՀԿ Մինսքի խումբի համանախագահներու մասնակցութեամբ, սակայն այս պահի դրութեամբ պէտք է շեշտը դնել տարածաշրջանի խաղաղ կեանքի վերադարձի վրայ: