Արեւմտեան Հայաստանի Վան նահանգի Գիւրփընար (Հայոց ձոր) գաւառին մէջ գտնուող Փութ քարանձաւներու ժայռապատկերները ուսումնասիրելու նպատակով գիտնականները աշխատանքներ կը կատարեն:

Վանի Հարիւրամեակի համալսարանի գրականութեան ֆակուլտետի հնագիտութեան ամպիոնի վարիչ պրոֆ. Դոկտ. Ռաֆեթ Չաւուշօղլուի գլխաւորած հնէաբաններու խումբը ուղեւորուած է դէպի Պաշեթի կիրճը, որու երկարութիւնը 7 կմ է:

Սկսելով ուսումնասիրութիւնը, խումբի մասնագետները անդրադարցած են ներկով նկարուած արեւի, լեռնային այծի, եղջերու, մարդու, աստուածուհիի խորհրդանիշով եւ տարբեր կերպարներով ժայռապետկերներ։ Յետագայ ուսումնասիրութիւնը կը պարզէ, թէ որ ժամանակահատուածին կը պատկանին պատկերները:

Նշելով, որ ժայռապատկերները նման են աւելի վաղ Պաղեշի Ատիլջեվազ գաւառին մէջ յայտնաբերուած պատկերներուն, Չաւուշօղլուն ըսած է. «Մենք կը կարծենք, որ անոնք կատարուած են պաշտամունքային նպատակներով: Կը տեսնենք, որ այդ պատկերները չեն թուգրուած նեոլիթեան ժամանակաշրջանին: Կենթադրենք, որ անոնք կատարուած են վաղ պրոնզէ դարերուն: Մենք կը բացայայտենք ճիշտ թուագրումը հետազոտութեան վերջը»:

Leave a Reply