Կարմիր խաչի միջազգային կոմիտէի նախագահ Պետեր Մաուրերը պատասխաներ է Հայաստանի Հանրապետութեան նախագահ Արմեն Սարգսեանի՝ Ատրպէյջանի կողմէ պահուող բոլոր հայ ռազմագերիներու եւ քաղաքացիական անձերու շուտափոյթ վերադարձի վերաբերեալ նամակին: «Արմենփրես»-ին այս մասին յայտնած է ՀՀ նախագահի աշխատակազմի հասարակայնութեան հետ կապերու վարչութիւնէն: 

Կարմիր խաչի միջազգային կոմիտէի նախագահը հաւաստիացուցած է, որ Հայաստանի նախագահի կողմէ բարձրացած հարցերն իր եւ իր ղեկավարած կազմակերպութեան լիարժէք ուշադրութեան ներքոյ են:

Նշելով, որ 1992 թուականէն ի վեր Կարմիր խաչի միջազգային կոմիտէն շարունակական գործուն ներկայութիւն ունեցեր է տարածաշրջանին, Պետեր Մաուրերը մասնաւորապէս ըսած է, որ 2020 թուականի Սեպտեմբերին սկսած ռազմական գործողութիւններու առաջին  օրէն կազմակերպութիւնը հանդէս եկած է մարդասիրական օգնութեամբ եւ պատրաստակամութիւն յայտնած է յետագայ գործունէութիւն ծաւալելու գործին: