Իրաքի Մոսուլ նահանգին մէջ յայտնաբերուած է երկու զանգուածային գերեզման, որտեղ ամփոփուած եղեր են մոտ 500 զոհի մարմին: Ինչպէս նշուած է՝  զոհերը սպաննուեր են ԴԱԵՇ ահաբեկչական կազմակերպութեան անդամներու կողմէ, որոնք  գրաւած էին քաղաքը 2014 թուականին:

2018-ի Նոյեմբերի 5-ին ՄԱԿ-ի կողմէ հրապարակուած զեկոյցին նշուած է, որ Իրաքի՝ նախկին ժամանակ ԴԱԵՇ-ի կողմէ գրաւուած տարածքներուն առկայ են աւելի քան 200 զանգուածային գերեզմաններ, որտեղ ամփոփուած են հազարաւոր զոհերու աճիւններ:

Յիշեցնենք, որ ԴԵԱՇ ահաբեկչական կազմակերպութիւնը 2014-ին գրաւած էր Իրաքի Մոսուլ, Սալահատին եւ Անբար նահանգներն ամբողջութեամբ եւ Դիալայ, Քերքուկի նահանգներու որոշ հատուածները։ Որոշ ժամանակ ետք այդ շրջանները ետ վերցուած են ահաբեկիչներէն: