Հունիսի 12-ին ամփոփուած են դիրիժորութիւն մասնագիտութեամբ անցկացուող Խաչատրեանի անուան 17-րդ միջազգային մրցոյթի արդիւնքները։ Մրցոյթի յաղթող ճանաչուած է Ճապոնիան ներկայացնող դիրիժոր Դաիչի Դեգուչին։ Ժիւրիի որոշմամբ երկրորդ մրցանակին արժանացեր է Յուկուան Ջինը (Չինաստան), երրորդ մրցանակը շնորհուեր է Էլիաս Բրաունին (ԱՄՆ), չորրորդ տեղն է Իեն Նիդերհոֆերը (ԱՄՆ)։ Առաջին մրցանակակիրն արժանացեր է տասը հազար դոլարին համարժէք դրամի չափով պարգեւի, ինչպէս նաեւ յառաջիկայ երկու համերգաշրջաններու ընթացքին անոր հնարաւորութիւն կը տրուի երկու համերգով հանդիսանալ Հայաստանի մէջ։

Դաիչի Դեգուչին մրցանակաբաշխութիւնէն ետք նշեց, որ երջանիկ է յաղթանակի համար։ Ան շնորհակալութւիւն յայտնեց բոլորին՝ պրոֆեսիոնալ ժիւրիին, իր ընկերներ դարձած մրցոյթի մասնակիցներուն, կազմակերպիչներուն, նուագախումբին, որու երաժիշտները շատ պատմած են  Արամ Խաչատրեանի մասին։ 

Դեգուչին մրցոյթի փակման կալա համերգի ընթացքին ներկայացուց հատուած Խաչատրեանի Թիւ երկու սիմֆոնիայէն։ Ի դէպ, Խաչատրեանի տուն-թանգարանը հնարաւորութիւն տուած է առաջին մրցանակակրին փակման կալա համերգի ընթացքին հանդէս գալու Խաչատրեանի դիրիժորական փայտիկով։