Պատերազմէն ետք Մարտունի շրջանի Հաղորտի համայնքի բոլոր բնակիչները վերադարձեր են գիւղ:

Այս մասին «Արցախփրես»-ի թղթակիցի հետ զրոյցի ժամանակ ըսած է Հաղորտի համայնքի ղեկավար Նուէր Մարտիրոսեանը:

Անոր խօսքով՝ պատերազմական գործողութիւններէն ետք գիւղին մէջ դեռ ընտանիք չէ վերաբնակած, սակայն երկու տուն վերանորոգուեր է տեղահանուած ընտանիքներուն տրամադրելու համար. եւս մոտ տասը տուն կը ծառայէ այդ նպատակով։

«Գիւղի դպրոցը վերաբացուեր է 2020 թուականի Դեկտեմբեր ամիսը. այստեղ կը հաճաախէ 30 աշակերտ: Երեխաները կը հաճախեն «ԹՈՒՄՈ» ստեղծարար տեխնոլոգիաներու կենտրոն։ Մանկապարտեզ, ցաւօք սրտի, չունինք, այն փակուեր է 2011 թուականին։ Նախկին մանկապարտեզի շէնքը տեղակայուած է համայնքապետարանը։ Ունինք բուժկէտ, որը վերանորոգման կարիք ունի, գործող ակումբ։ Գիւղը ապահով է էլեկտրաէներգիայով, գազաֆիկացուած չէ։ Խմելու ջուրի լուրջ խնդիր ունինք, յատկապէս՝ ամառը։ Ջուր կը ստանանք երկու օրը մէկ։ Գիւղամիջեան ճանապարհները կը գտնուին ոչ լաւ վիճակի,- տեղեկացուցած  է համայնքապէտը:

Գիւղին մէջ հիմնականը կը զբաղուին անասնապահութեամբ, մեղուաբուծութեամբ։ Ըստ համայնքի ղեկավարի՝ գիւղի մեղրն ամենալաւն է, որակեալը, մաքուրն ու առանձնայատուկը։

Ն. Մարսիրոսեանն կը հաւաստիացնէ՝ Հաղորտին անպայման կը շարունակէ ծաղկել ու շենանալ։