Եղիշէ Չարենցի անուան գրականութեան եւ արուեստի թանգարանին  մէջ տեղի ունեցաւ Պատմահոր՝ Հայոց Հերոդոտոսի «Հայոց պատմութեան» սերպերէն  թարգմանութեան շնորհանդէսը, որուն մասնակցած է   Բերգրադէն Երեւան ժամանած հրատարակիչը՝ Վեսնա Պեշիչը։ Վեսնա Պեշիչը 6 գիրքի հեղինակ է։ Անոր սցենարով նկարահանուեր են շարք մը արժէքաւոր վավերագրական ֆիլմեր։

Շնորհանդէսը կը վարէր տաղանդաւոր բանաստեղծ ու թարգմանիչ, մշակոյթի վաստակաւոր գործիչ, ՀՀ-ի մէջ Սերպիայի պատւոյ հիւպատոս Բաբկեն Սիմոնեանը, ով  մեծ աւանդ ունի Պատմահոր գիրքի թարգմանութեան խմբագրման դժշուարին գործին։

Շնորհանդէսի ժամանակ ելոյթ ունեցաւ գիրքի  մասնագիտական առաջաբանի հեղինակ, ՀՀ ԳԱԱ թղթակից-անդամ Աելիտա Դոլուխանեանը, ՀՀ ԳԱԱ պատմութեան ինստիտուտի տնօրէն, ակադեմիկոս Աշոտ Մելքոնեանը։ Պատմաբանի համար Խորենացիի երկի ամեն նոր  թարգմանութիւն կը նշանակէ Պատմահոր գլուխգործոցի հարատեւութիւն։ 

Հինգերորդ դարին Խորենացին սորուեցուցած է, թէ ինչ է հայրենիքը, որն է հերոսութիւնը, ինչպիսի լոյս կը բերեն մարդկութեանը կրթութիւնն ու գիտութիւնը։   Ան իր գիրքով դաստիարակեր է հայերու բազում սերունդներու։ Խորենացիի գիրքը  կը բացատրէ, թէ որոնք են մարդկութեան բարոյական արժէքները, եւ ազգային նուիրումն է, որ մարդուն կը դարձնէ մարդ։