ՀՀ պաշտպանութեան նախարարի պաշտօնակատար Վաղարշակ Հարութունեանը Հունիսի 16-ին հեռախօսազրոյց ունեցեր է ՌԴ պաշտպանութեան նախարար, բանակի գեներալ Սերգեյ Շոյգույի հետ:

ՀՀ ՊՆ-ն կը տեղեկացնէ, որ ռազմավարական դաշնակից երկու երկիրներու պաշտպանական գերատեսչութիւններու ղեկավարները քննարկեր են հայ-ատրպէյջանական սահմանին ստեղծուած իրադրութեան հանգուցալուծման ուղիները։ Վաղարշակ Հարութունեանը նշած է, որ հայկական կողմը յարգանքով կը վերաբերուի գործընկեր պետութիւններու եւ կառոյցներու՝ խնդիրը խաղաղ կարգաւորելու կոչերին, հաւելելով, որ հայկական կողմի դիրքորոշումն անփոփոխ է. Ատրպէյջանի ԶՈՒ ներկայացուցիչները պէտք է առանց որեւէ նախապայմանի լքեն Հայաստանի Հանրապետութեան ինքնիշխան տարածքները։

Վաղարշակ Հարութունեանն ու Սերգեյ Շոյգուն քննարկեր են նաեւ ՀՀ Սիւնիքի եւ Գեղարքունիքի մարզերու՝ հայ-ատրպէյջանական սահմանային հատուածներուն ՀՀ ԶՈՒ հետ համատեղ ռուս սահմանապահներու տեղակայման հարցը։