Հունիսի 17-ին Շառլ Ազնավուրի անուան մշակոյթի կենտրոնի եւ Ստեփանակերտի Սայաթ-Նովայի անուան երաժշտական քոլեջին մէջ կը կայանայ ազգային նուագարաններու եւ ժողովրդական երգի հանրապետական մրցոյթը, որու նպատակն է հայկական ժողովրդական երգարուեստի եւ երաժշտարուեստի բնագաւառներուն մէջ բացայայտել շնորհաշատ պատանի երգիչներուն եւ երաժիշտ-կատարողներուն, աջակցելու անոնց մասնագիտական զարգացմանը:

Մրցոյթը մեծ նշանակութիւն ունի ԱՀ երաժշտական ու արուեստի դպրոցներու միջեւ շփման, համագործակցութեան եւ հանրապետութեան մէջ ազգային նուագարաններու ուսուցման գործընթացի զարգացման համար: Մրցոյթին իրենց մասնակցութիւնը կը բերեն 9 մասնագիտութիւններու գիծով ընդհանուր թիւով 97 հոգի, որմէ 64-ը՝ անհատ կատարողներ, 33-ը՝ խմբային: Մրցոյթին մրցանակային տեղեր զբաղեցուցած անհատ կատարողները մասնակցութիւն կունենան 2021 թուականի Հոկտեմբեր աիմսը ք. Երեւանի մէջ կայանալիք ազգային նուագարաններու եւ ժողովրդական երգի անհատ կատարողներու հանրապետական 6-րդ մրցոյթին: