ՀՀ պետական եկամուտներու կոմիտէի նախագահի տեղակալ Աշոտ Մուրատեանի գլխաւորած պատուիրակութիւնը Նորդուզ սահմանային անցակէտին հանդիպեր է Իրանի Իսլամական Հանրապետութեան մաքսային ծառայութեան ղեկավարի տեղակալ Իպրահիմ Նաղտիի գլխաւորած պատուիրակութեան հետ: «Արմենփրես»-ին այս մասին յայտնած են ՀՀ Պետական Եկամուտնեու Կոմիտէի տեղեկատուութեան եւ հասարակայնութեան հետ կապերու բաժինէն:

Օրակարգին մէջ եղած են  շարք մը աշխատանքային հարցեր, որոնք կը վերաբերուին երկու երկիրներու միջեւ առեւտրաշրջանառութեան զարգացման խթանման նպատակով Մեղրիի եւ Նորդուզ անցումային կէտերուն գործընթացներու առաւել դիւրին եւ սահուն իրականացմանը: Դիտարկուեր է նաեւ երկու երկիրներու միջեւ ծագող խնդիրներու արագ, արդիւնավետ լուծման մեխանիզմներու եւ հարթակներու ստեղծման հարցը:

Հանդիպման ընթացքին քննարկուեր են Հայաստանի եւ Իրանի միջեւ ապրանքներու միջազգային փոխադրումներուն առնչուող էլեկտրոնային տուեալներու փոխանակման համակարգի գործարկմանը վերաբերող հարցեր: