Արեւմտեան Հայաստանի մէջ՝ Վան նահանգի Գիւրփնար շրջանին, 2500 բարձրութեան լեռան վրայ յայտնաբերուած են դեռեւս չի բացայայտուած ամրոցի մնացորդներ, որը, ըստ ամենայնի՝ ծառայեր է ուրարտական ժամանակաշրջանէն ի վեր տարբեր քաղաքակրթութիւններու։

Վանի Հարիւրամեակի համալսարանի գրականութեան ֆակուլտետի հնագիտութեան ամբիոնի վարիչ պրոֆ. Դոկտ. Ռաֆեթ Չավուշօղլուի գլխաւորած պեղումներու արշավախումբը նախաձեռնած է հնագիտական ​​հետազոտութեան նախագիծ ՝ գաւառի պատմական կառոյցները յայտնաբերելու եւ անոնք զբօսաշրջութեան մէջ ներգրաւելու նպատակով:

Չավուշօղլուի գլխաւորած թիմը շրջանի մէջ կատարած մակերեսային հետազոտութեան ընթացքին յայտնաբերած է նոր ամրոցի մնացորդներ, որը կը պատկանի Արարատեան թագաւորութեան ​​ժամանակաշրջանին: Ամրոցին մէջ, որը գրանցուած չէ մշակութային արժէքներու գոյքագրման ցանկին, յայտնաբերուած են 6,5 մ խորութեամբ, 6,5 մ երկարութեամբ եւ 2,5 մ տրամագիծով ջրամբար, պարիսպներ եւ կերամիկական իրերու մնացորդներ:

Չավուշօղլուն, ելնելով ամրոցի հարաւ-արեւելեան կողմը գտնուող պարիսպներու աւերակներու եւ ջրամբարի առկայութիւնէն, յայտարարած է, որ ամրոցը կարեւոր բնակավայր եղած է: