«Իրաւունքի» հետ զրոյցի ժամանակ, անդրադառնալով Շուշիի մէջ Ալիեւի եւ էրդողանի միջեւ կնքուած պայմանագիրին, ըսաւ թուրքագէտ, ԳԱԱ ակադեմիկոս Ռուբեն Սաֆրաստեանը՝ բանալով փակագիծերը.

-Առաջին՝ այդ ու­ղերձ էր ուղղուած հայ ժողովուրդին, եւ անով ցուց կուտա­ն, թէ տեսէք, մենք յաղ­թած ենք եւ պիտի շարունակենք ձեր վրայ մեր ագրեսի­ան, ճնշումները:

Երկրորդ ուղերձը ուղղ­ուած է տարածաշրջանին, թուրք-ատրպէյջանական տանդեմը, որպէս աշխարհաքաղաքական միաւոր, ցոյց կուտայ, որ Հարաւային Կովկասի մէջ կ՛սկսուի                          նոր փուլ, այդ Թուրքիա­յի գերիշխանութեան փուլն է: Պատա­հական չէ, որ յայտարարութիւն կատարուեցաւ, որ պէտք  եւս գրեն, շարադրեն Հարաւային Կովկասի պատմութիւնը: Ուժի միջոցով Թուրքիան ցոյց կուտա­յ, որ տարածաշրջանին մէջ կ՛սկսի իր ծաւալապաշտական քաղաքականու­թեան նոր էջը: Բայց չի մոռնանք, որ Թուրքիայի ազդեցութեան ուժեղացումը հնարաւոր է Ռուսաստանի ազդեցութեան թուլաց­ման հաշուին:

Վերջապէս, այդ հռչակագիրը, ես կը կարծեմ, որ իր մէջ ունի նաեւ պանթուրքիստական ուղերձ: Թուրքիան աշխարհին ցոյց կուտայ, որ տեսէք, մենք համագործակցելով Ատպէյջանի հետ կարողացանք այսպիսի կարեւոր յաղթանակ տանել: Իսկ Շուշին, կը յայ­տարարեն, որ թուրքական մշա­կոյթի կենտրոններէն պէտք է ըլլայ: