Տեղահանուած բնակիչներու համար կառուցուող նոր բնակավայրին մէջ ուժգին կը շարունակուին շինարարական աշխատանքները։

 Այս մասին «Արցախփրես»֊ի թղթակիցին յայտնեց Քաղաքաշինութեան Նախարարութեան մամուլի քարտուղար Մարթա Տանիելեանը։

Անոր խօսքով՝ մասնաւորապէս Ասկերանի շրջանի Սղնախ, Մոշխմհատ, Մադաթաշեն եւ Ջրաղացներ գիւղերէն տեղահանուած բնակիչներու համար Աստղաշենի տարածքին կառուցուող նոր բնակավայրի մէջ նախատեսուած է կառուցել 170 առանձնատուն։

«Տարածքի կառուցապատման ընդհանուր մակերեսը 523.000 քմ է։ Ըստ նախագիծի՝ կառուցուող նոր բնակավայրը կունենայ համայնքային կենտրոն, որտեղ տեղակայուած կ՛ըլլայ համայնքապետարանը, բուժկէտը , 200 հոգիի համար նախատեսուած համայնքային միջոցառումներու սրահը, խաղահրապարակն ու մարզադաշտը», -զրոյցի ժամանակ նշեց Մ. Տանիելեանը։

Նոր թաղամասը նախատեսուած է շահագործման յանձնել մինչեւ 2022թ. Տարուայ վերջ: Ֆինանսաւորումը կիրականացնէ «Հայաստան» համահայկական հիմնադրամը։