ՀՀ բարձր տեխնոլոգիական արդիւնաբերութեան նախարարի պաշտօնակատար Հայկ Չոբանեանը Հունիսի 22-ին ընդուներ է Հայաստանի Հանրապետութեան մէջ Ամերիկայի Միացեալ Նահանգներու արտակարգ եւ լիազոր դեսպան Լին Թրեյսիի գլխաւորած պատուիրակութեանը:

Ինչպէս տեղեկացուցին ՀՀ բարձր տեխնոլոգիական արդիւնաբերութեան նախարարութեան լրատուական ծառայութիւնէն, նախարարի պաշտօնակատարը նշած է, որ այս հանդիպումը հարմար առիթ է վերսկսելու Հայաստանի մէջ ԱՄՆ դեսպանութեան եւ բարձր տեխնոլոգիական արդիւնաբերութեան նախարարութեան միջեւ համագործակցութիւնը։

Ըստ աղբիւրի՝ նախարարի պաշտօնակատարը դեսպանին ներկայացուցած է Արդիւնաբերական քաղաքի նախագիծը, անդրադարձեր է  Ինժեներական քաղաքի ծրագիրին, եւ հրաւիրած է դեսպանին մոտ ապագային համատեղ այց իրականացնել այնտեղ: 

Դեսպանը յայտնած է, որ ԱՄՆ-ն պատրաստակամ է աջակցելու Հայաստանին՝ բարձր տեխնոլոգիական ոլորտի ձեռնարկութիւններու էկոհամակարգ ստեղծելու, ոլորտի վերաբերեալ խորհրդատւութիւն եւ աջակցութիւն տրամադրելու հարցերուն:

Հանդիպման ընթացքին նախարարի պաշտօնակատարն ու դեսպանն անդրադարձեր են համատեղ իրականացուող տեխնոկրթական ծրագիրներուն, կիբեռանվտանգութեան, արհեստական բանականութեան, ինչպէս նաեւ փոխադարձ հետաքրքրութիւն ներկայացնող շարք մը այլ հարցերու: