Հայաստանի մարդու իրաւուքներու պաշտպան Արման Թաթոյեանը Ատրպէյջանի նախագահի եւ Թուրքիայի առաջին տիկնոջ միջեւ հայ գերիներու վերաբերեալ խօսակցութեան տեսանիւթը լրացուցիչ նամակներով ուղարկած է Եւրամիութեան բարձրագոյն ղեկավարութեանը:

Արման Թաթոյեանն այս մասին գրած է «Ֆեյսբուք»-ի իր էջին:

«Ատրպէյջանի նախագահի եւ Թուրքիայի առաջին տիկնոջ միջեւ խօսակցութեան անհերքելի տեսանիւթ-ապացոյցն այսօր լրացուցիչ նամակներով ուղարկեր եմ Եւրամիութեան բարձրագոյն ղեկավարութեանը`

1) Եւրոպական խորհուրդի նախագահին.

2) Եւրոպական յանձնաժողովի նախագահին.

3)Արտաքին գործերու եւ անվտանգութեան քաղաքականութեան հարցերով բարձր ներկայացուցիչին:

Տեսանիւթն ապացոյց է առ այն, որ հայկական կողմի բոլոր գերիներն Ատրպէյջանի մէջ պահուած են պատանդի վիճակով` քաղաքական սակարկութիւններու ու առեւտուրի համար:

Հետեւաբար, գերիներու նկատմամբ բոլոր դատավարութիւնները կեղծ են, իսկ կալանաւորումները` արգիլուած պատիժ: Նամակներուն մէջ ցոյց կուտան ինչպէս ատրպէյջանական իշխանութիւնները կը մոլորեցնեն միջազգային հանրութեանը, այդ թիւին` ԵՄ-ին: Նամակներուն մէջ փաստերու վկայակոչոմով բարձրացեր է հայկական կողմի գերիներու անհապաղ վերադարձի հարցը` իբրեւ անվերապահ կատարման ենթակայ պարտադիր միջազգային պահանջ»,- գրած է Թաթոյեանը: