Արցախի մէջ հակամարտութիւնէն ետք Ատրպէյջանի կողմէ մարդու իրաւունքներու շարունակական ոտնահարումն անընդունելի է:

 Այս մասին գրած է ԱՄՆ կոնգրեսական Ատամ Շիֆը, կը փոխանցէ Panorama.am-ը։

«Ռազմագերիներու հետապնդումը միջազգային կոնվենցիաներու կոպիտ խախտում է եւ Ատրպէյջանի կողմէ մարդու իրաւունքներու եւ միջազգային իրաւունքի կոպիտ անտեսման յետագայ վկայութիւն:

Մինչ մենք կը շարունակենք աշխատել հայ ռազմագերիներու անհապաղ ազատ արձակման ապահովման ուղղութեամբ, Միացեալ Նահանգները պէտք է կոշտ հետեւանքներ սահմանէ Ատրպէյջանի նկատմամբ եւ դադարեցնէ կասեցումը (907 բանաձեւի – խմբ․), որը թոյլ տուած է ԱՄՆ ռազմական օգնութիւնը Պաքուի ռեժիմին:

Մենք պէտք չէ թոյլ տանք, որ Ատրպէյջանը անպատիժ խախտէ մարդու իրաւունքները եւ ոտնահարէ միջազգային նորմերը»,- գրած է կոնգրեսականն՝ անդրադառնալով Պաքուի մէջ հայ ռազմագերիներու նկատմամբ իրականացուող քրէական հետապնդումներուն: