«Թուֆենկեան» բարեգործական հիմնադրամի իրականացուցած ծրագիրով ԱՀ Մարտունիի շրջանի Մաճկալաշեն համայնքին  եւ Հերհեր համայնքին մէջ երկու ընտանիք ունեցաւ նոր բնակարան:

«Արցախփրես»-ի թղթակիցի հաղորդմամբ՝ Մաճկալաշենի համայնքի ղեկավար Լեռնիկ Աւանեսեանն ամբողջ համայնքի անունով խորին շնորհակալութիւն յայտնեց «Թուֆենկեան» բարեգործական հիմնադրամի հոգաբարձուներու խորհուրդի անդամ Անդրանիկ Գասպարեանին, ով իր հերթին նշեց, որ հպարտ է արցախցիներով, որոնք, դժուարութիւններով հանդերձ, մնացած են իրենց պապենական օջախներուն մէջ:

Բարեգործական այցի շրջանակին «Թուֆենկեան» հիմնադրամի կողմէ հումանիտար օգնութիւն ստացան Մաճկալաշեն համայնքի 10 կարիքաւոր ընտանիքներ:

«Այս նախաձեռնութիւնը շատ սահմանափակ մեկնարկ է, եւ յուսով ենք, որ կարողացանք հերթական անգամ օգնել մեր կարիքաւոր քոյրերուն եւ եղբայրներուն: Մենք կը հաւատանք, որ արցախցին կը մնայ իր հայրենի հողին վրայ , եւ կը փորձենք հնարաւորին չափ օգնել անոնց», – նշեց «Թուֆենկեան» բարեգործական հիմնադրամի հանրային կապերու տնօրեն Ռուբեն Ջանբազեանը։