28 տարի առաջ՝ այս օրը, ազատագրուեցաւ Արցախի Մարտակերտ շրջանը:

Քարվաճառի ռազմական գործողութիւնէն ետք, երբ ջախջախուեր է ատրպէյջանական զինուժի Լաչին-քելբաջարեան խմբաւորումը, ՊԲ հրամանտարութիւնը ձեռնամուխ եղած է Մարտակերտի ազատագրման ռազմական գործողութեան մշակմանն ու նախապատրաստմանը։

Հունիսի 2-րդ կէսին, յաջողութեամբ իրականացնելով մարտական խնդիրները, հայկական ուժերը ազատագրեր են մարտավարական կարեւորութեան մի քանի բարձունքներ ու բնագիծեր։ Մարտակերտի հարաւարեւելեան հատուածը գործող Սրցախեան զորամիաւորումները, հակառակորդին զգալի կորուստներ պատճառելով, Խրամորթ եւ Փափրավենդ գիւղերու ուղեգիծին դուրս եկեր են Ակնա-Մարտակերտ ճանապարհի բնագիծը։ Հունիսի 27-ին ՊԲ ստորաբաժանումները մտեր են Մարտակերտ եւ, Հունիսի 28-ին ազատագրելով քաղաքը, անցեր են գերիշխող բարձունքներու ու հիմնական ճանապարհներու պաշտպանութեանը եւ հարակից բնակավայրերու ազատագրմանը։

Այդ առիթով այսօր՝ Հունիսի 28֊ին, Մարտակերտի շրջանի վարչակազմի ղեկավար Հայկ Բախշիեանը շնորհաւորական ուղերձ հղեր է եւ նշած է, որ հարազատ քաղաքին մէջ ապրելով ու արարելով, միասին կը շարունակեն շենացնել Մարտակերտը: