https://www.lragir.am/wp-content/uploads/2021/06/56454564564564564.jpeg

«Պատերազմի ժամանակ ՄԱԿ-ի Անվտանգութեան խորհուրդի որոշ անդամ-երկիրներ առաջարկեր են նախաձեռնութիւն մը, որը մեր դէմ ուղղուած էր եւ կարող էր լուրջ բացասական ազդեցութիւն ունենար  մեր վրայ։ Հայամետ շրջանակներն ու երկիրները փորձեր են մեր դէմ բանաձեւ մը ընդունուիլ, որը չի արտացոլէր իրականութիւնը։ Ո՞վ պաշտպաներ է մեզի ։ Չմիաւորման շարժման անդամները, որոնք ներկայացուած են ՄԱԿ-ի Անվտագութեան Խորհուրդի մէջ։ Անոնք պաշտպաներ են մեզ, եւ մենք շնորհակալ ենք», ըսած է ապշերոնեան վարչակազմի ղեկավար Ալիեւը։

Խօսքը 2020 թ․ Հոկտեմբերի 10-ի բանաձեւի մասին է, որը նախաձեռնած էին ԵԱՀԿ Մինսքի խումբի համանախագահ երկիրները՝ ԱՄՆ, Ֆրանսիան եւ Ռուսաստանը, որոնք նաեւ ՄԱԿ-ի Անվտանգութեան խորհուրդի մշտական անդամներ են եւ Չի միաւորուած շարժման անդամներ չեն։

ՄԱԿ-ի Անվտանգութեան Խորհուրդի այդ նիստէն մի քանի օր ետք այն ժամանակ Հայաստանի ԱԳ փոխնախարար Շավարշ Քոչարեանն ըսած էր, որ Անվտանգութեան խորհուրդի մշտական անդամներէն մէկը վետո  դրած է բանաձեւին, որը կարող էր դադարեցնել պատերազմն Արցախի մէջ եւ քաղաքական բանակցութիւններու սկիզբ դառնալ։ Ամենայն հաւանականութեամբ՝ խօսքը Չինաստանի մասին է, որը Չի միաւորման շարժման դիտորդ-անդամ է։

Այլ երկիրներ եւս կ՛օգնէն Ատրպէյջանին։ Օրինակ, Պելառուսը, որը Չի միաւորման շարժման միակ եւրոպական անդամն է, բազմաթիւ անգամ օգներ է Ատրպէյջանին զանազան միջազգային հարթակներուն։

Պաքուն «կ՛օգնէր» տարբեր երկիրներու, որոնք ետքը կը քուէարկէին անոր օգտին։ Պաքուն անթաքոյց «խավիարային դիւանագիտութիւն» կը վարէր, եւ անոր շնորհիւ միջազգային ատեաններուն՝ Եւրոպայի խորհուրդի մէջ հակահայ բանաձեւեր  կընդունուէին։ 

Հայաստանը պէտք է ընդունի նոր իրականութիւնը եւ սահմաններու մասին Ատրպէյջանի հետ բանակցութիւններ սկսի, ըսած է Ալիեւը։ 

Փաստօրէն, ոչ ՄԱԿ-ի մէջ գնուած քուէարկութիւնը, ոչ ահաբեկչական պատերազմը չեն լուծած Ալիեւի խնդիրները, եւ անոր «յաղթանակը» կրկին կախուած է Հայաստանի որոշումներէն։

https://www.lragir.am/2021/06/27/651490/