Արցախի կառավարութիւնը յառաջիկայ օրերուն կը հաստատէ Արցախեան 44-օրեայ պատերազմի հետեւանքով տեղահանուած անձերու բնակարանի խնդիրի լուծման ծրագիրը: Ինչպէս կը տեղեկացնէ «Արմենփրես»-ը, առցանց մամուլի ասուլիսի ժամանակ այս մասին ըսած է Արցախի պետնախարար  Արտակ Պեգլարեանը:

«Ծրագիրով բոլոր մանրամասները աւելի հստակ կ՛ըլլան եւ անոր հիման վրայ կարգ կը մշակուի: Արդեն բոլոր չափանիշները, ընթացակարգերը, սկզբունքները, ժամկէտները կը նշուին թէ ծրագիրի, թէ կարգին մէջ: Մանրամասն  կը ներկայացնեմ, որովհետեւ շատերուն  կը հուզէ այս ծրագիրը : Ծրագիրին կից նաեւ ժամանակացոյց  կ՛ըլլայ, որպէսզի պարզ ըլլայ, թէ որ գործողութիւնը, որ միջոցառումը ինչքան ժամանակով կիրականացուի»,- նշեց Պեգլարեանը` հաւելելով, որ ըստ հերթացուցակի, ըստ առաջնահերթութիւններու ով եւ ինչքան ժամանակով ապահոված կ՛ըլլայ բնակարանով:  

Արցախի պետնախարարի խօսքով` Կառավարութիւնը այս ամիսներու ընթացքին որոշակի աշխատանքներ արդեն կատարեր է. տեղահանուած տարբեր ընտանիքներ արդեն ժամանակաւոր կամ մշտական տեղաւորուեր են, նաեւ վերանորոգման աշխատանքներ սկսած են տարբեր տուներուն:

Արցախէն տեղահանուածներու խնդիրը պարբերաբար կը բարձրաձայնուի նաեւ Արեւմտեան Հայաստանի պետական մարմիններու կողմէ։