Մինչ Ալիեւը կը յայտարարէ, թէ Արցախի հարցը լուծածէ ագրեսիայի միջոցով, ԱՄՆ-ի արդեն 10-րդ նահանգի՝ Նիու Ջերսիի Սենատը Հունիսի 30-ին Արցախի Հանրապետութեան անկախութեան ճանաչման բանաձեւ ընդունեց: Այն բաց եւ ուղղաձիգ ուղերձ է ատրպէյջանաթուրքական զոյգին։ Ըստ որու՝ ինչպէս Արցախի ժողովուրդի դէմ սանձազերծած ատրպէյջանական առաջին ագրեսիայի 1994 թ. տրամաբանական աւարտ դարձած հայկական կողմի յաղթանակէն, այնպէս ալ 2020-ին հրահրած պատերազմէն ետք Արցախի հիմնահարցը չէ լուծուած:

Այն լուծուած չէ պարզ պատճառով մը, որ հակամարտութեան հիմքը՝ Արցախի ժողովուրդի հռչակած ինքնորոշման իրաւունքը ճանաչուած չէ: Հետեւաբար, գոնէ հետպատերազմեան կայունութիւն ապահովելու համար պաշտօնական Պաքուն ստիպուած է տարածաշրջանի երկիրներու միջեւ համագործակցութիւն սկսելու եւ կոմունիկացիաները բանալու գործընթացի հիմքը չդնել իր տարածքային ամբողջականութեան ճանաչման պայմանը, այլ պէտք է ականջալուր ըլլալ Արցախի հիմնահարցի քաղաքական ու հիմնարար լուծման բանակցութիւններ սկսելու հորդորներուն:

Յիշեցնենք նաեւ, որ Թուրքիայի ուսերուն նոյնպէս շարք մը պարտքեր եւ խնդիրներ կան։ Անոնցմէ մեծագոյնը Արեւմտեան Հայաստանի չլուծուած հարցն է եւ տարագիր հայերու ոտնահարուած իրաւունքներու փոխհատուցումը։