Արեւմտեան Հայաստանի Մարդին նահանգի Դերիկ, Մազդաղ եւ Քըզըլթեփէ գաւառներն ընդգրկող «Քամու էլեկտրակայան» ծրագիրի շրջանակին ընդունուեր է  (ՇՄԱԳ) զեկոյցը: Ծրագիրի շրջանակներուն տեղադրուելիք հողմային տուրբինները կը սպառնան հռոմէական ժամանակաշրջանէն մնացած պատմական Ռաբաթ ամրոցին եւ պատմական ԳԱՊ ջրվեժին:

Նպատակադրուած է տեղադրել ընդհանուր առմամբ 50 հողմային տուրբին՝ 37-ը Դերիկի մէջ, 9-ը` Մազդաղի մէջ եւ 4-ը` Քըզըլթեփէի մէջ: Նախագիծը բացասական ազդեցութիւն կունենայ գիւղատնտեսական հողերու, անտառային տարածքներու եւ արոտավայրերու վրայ:

50 տարածքներէն 46-ը, որտեղ նախատեսուած է իրականացնել նախագիծը, բաղկացած է արոտավայրերէ եւ անտառային տարածքներէ, 4-ը տարածքներու կարգավիճակը դեռեւս անյայտ է։

Շրջակայ միջավայրի վրայ ազդեցութեան գնահատման հաշուետւութեան համաձայն՝ ծրագիրը բասացաբար կանդրադառնայ նաեւ Դերիքի զբօսաշրջութեան կարեւոր կենտրոններէն մէկի՝ ԳԱՊ ջրվեժի բուսաբանական այգիի վրայ, որը «Ազգային պարկերու մասին» օրէնքի շրջանակներուն պաշտպանուող տարածքներէն է, ինչպէս նաեւ զգալիօրէն կը տուժեն ձիթապտուղի այգիները։  Ջրվեժէն 700 մետր հեռաւորութեան վրայ նախատեսուած է տեղադրել 6 տուրբին: